ಹೊನ್ನಾಳಿ: ತಾಲೂಕಿನ ಬೆನಕನಹಳ್ಳಿ ಗ್ರಾಪಂ ಉಪಾಧ್ಯಕ್ಷೆಯಾಗಿ ಡಿ.ಎಸ್. ದೀಪಾ ರಘು ಅವಿರೋಧವಾಗಿ ಆಯ್ಕೆ

ಹೊನ್ನಾಳಿ:
ತಾಲೂಕಿನ ಬೆನಕನಹಳ್ಳಿ ಗ್ರಾಪಂ ಉಪಾಧ್ಯಕ್ಷೆಯಾಗಿ ಡಿ.ಎಸ್. ದೀಪಾ ಡಿ.ಜಿ. ರಘು ಗುರುವಾರ ಅವಿರೋಧವಾಗಿ ಆಯ್ಕೆಯಾದರು.
ಈ ಹಿಂದಿನ ಉಪಾಧ್ಯಕ್ಷೆ ಎಂ. ಸುಧಾ ರಾಜೀನಾಮೆಯಿಂದ ತೆರವಾದ ಸ್ಥಾನಕ್ಕೆ ಡಿ.ಎಸ್. ದೀಪಾ ಡಿ.ಜಿ. ರಘು ಹೊರತುಪಡಿಸಿ ಬೇರಾರೂ ನಾಮಪತ್ರ ಸಲ್ಲಿಸದ ಕಾರಣ ಚುನಾವಣಾಧಿಕಾರಿ, ಸಿಡಿಪಿಒ ಮಹಾಂತಸ್ವಾಮಿ ಪೂಜಾರ್ ಅವಿರೋಧ ಆಯ್ಕೆ ಘೋಷಿಸಿದರು.
ಬೆನಕನಹಳ್ಳಿ ಗ್ರಾಪಂ ಸದಸ್ಯರಾದ ಎ.ಕೆ. ರೇಷ್ಮಾ, ಎ.ಕೆ. ಗದ್ದಿಗೇಶ್, ಎಂ. ಸುಧಾ, ಪುಷ್ಪಾಬಾಯಿ, ಎಚ್.ಜಿ. ರವಿಕುಮಾರ್, ಎಚ್.ಪಿ. ಹಾಲೇಶ್, ಪಿ. ಕಾವ್ಯ, ಪಿ. ಮಂಜುನಾಥ್ ಹಾಗೂ ಮುಖಂಡರು ನೂತನ ಉಪಾಧ್ಯಕ್ಷೆ ಡಿ.ಎಸ್. ದೀಪಾ ಡಿ.ಜಿ. ರಘು ಅವರನ್ನು ಅಭಿನಂದಿಸಿದರು.
ಬೆನಕನಹಳ್ಳಿ ಗ್ರಾಪಂ ಪಿಡಿಒ ವೈ. ಮಲ್ಲಿಕಾರ್ಜುನ್, ಕಾರ್ಯದರ್ಶಿ ಬಿ. ಅಂಕಳಪ್ಪ, ಬಿಲ್ ಕಲೆಕ್ಟರ್ ವಿ. ಶಂಕ್ರಾನಾಯ್ಕ, ಕಂಪ್ಯೂಟರ್ ಆಪರೇಟರ್ ಎಸ್.ಕೆ. ವಿಶ್ವನಾಥ್ ಇತರರು ಇದ್ದರು.
ಹೊನ್ನಾಳಿ ತಾಲೂಕಿನ ಬೆನಕನಹಳ್ಳಿ ಗ್ರಾಪಂ ಉಪಾಧ್ಯಕ್ಷೆಯಾಗಿ ಗುರುವಾರ ಅವಿರೋಧವಾಗಿ ಆಯ್ಕೆಯಾದ ಡಿ.ಎಸ್. ದೀಪಾ ಡಿ.ಜಿ. ರಘು ಅವರನ್ನು ಸದಸ್ಯರು-ಮುಖಂಡರು ಅಭಿನಂದಿಸಿದರು.