ಮಾನ್ಯ ಮುಖ್ಯಮಂತ್ರಿಗಳಾದ ಬಿ.ಎಸ್.ಯಡಿಯೂರಪ್ಪ
ಇವರು ಮಾರ್ಚ್ 7 ರಂದು ದಾವಣಗೆರೆ ಜಿಲ್ಲೆಯಲ್ಲಿ ಪ್ರವಾಸ
ಕೈಗೊಳ್ಳಲಿದ್ದಾರೆ.
ಮಾ.7 ರ ಮಧ್ಯಾಹ್ನ 3.15 ಕ್ಕೆ ಹಾವೇರಿ ಜಿಲ್ಲೆಯ ಹಿರೇಕೆರೂರು
ತಾಲ್ಲೂಕಿನ ಬಸರಿಹಳ್ಳಿ ಹೆಲಿಪ್ಯಾಡ್‍ನಿಂದ ಹೊರಟು, ಮಧ್ಯಾಹ್ನ 03.30 ಕ್ಕೆ
ದಾವಣಗೆರೆ ಜಿಲ್ಲೆಯ ಹೊನ್ನಾಳಿ ತಾಲ್ಲೂಕಿನ ಹೆಚ್ ಕಡದಕಟ್ಟೆ
ಗ್ರಾಮದ ಹೆಲಿಪ್ಯಾಡ್‍ಗೆ (ಕುಮಟ—ಕಡಮಡಗಿ ರಸ್ತೆ 169.80)
ಬಂದು ತಲುಪಲಿದ್ದಾರೆ.
ನಂತರ ಅವರು ಶ್ರೀ ಚನ್ನಪ್ಪ ಸ್ವಾಮಿ ವಿದ್ಯಾಪೀಠ, ಹೊನ್ನಾಳಿ
ಇವರ ವತಿಯಿಂದ ಹೊನ್ನಾಳಿ ತಾಲ್ಲೂಕು ಹಿರೇಕಲ್ಮಠದಲ್ಲಿ
ಆಯೋಜಿಸಿರುವ ಚಂದ್ರ ಸ್ಮರಣೆ ರಾಜ್ಯ ಮಟ್ಟದ ಕೃಷಿ ಮೇಳ-
2020 ರ ಧರ್ಮಸಭೆ ಉದ್ಘಾಟನೆ ಹಾಗೂ ಸ್ಮರಣ ಸಂಚಿಕೆ ಬಿಡುಗಡೆ
ಸಮಾರಂಭದಲ್ಲಿ ಭಾಗವಹಿಸಲಿದ್ದಾರೆ.
ಸಮಾರಂಭದಲ್ಲಿ ಭಾಗವಹಿಸಿದ ಮಾನ್ಯ ಮುಖ್ಯಮಂತ್ರಿಗಳು
ಸಂಜೆ 4.30 ಗಂಟೆಗೆ ಹೊನ್ನಾಳಿಯ ಹೆಚ್ ಕಡದಕಟ್ಟೆ
ಗ್ರಾಮದ ಹೆಲಿಪ್ಯಾಡ್‍ನಿಂದ ಹೊರಟು ಸಂಜೆ 5.50 ಕ್ಕೆ ಬೆಂಗಳೂರು
ಹೆಚ್.ಎ.ಎಲ್ ವಿಮಾನ ನಿಲ್ದಾಣವನ್ನು ತಲುಪಲಿದ್ದಾರೆ ಎಂದು ಪ್ರಕಟಣೆ
ತಿಳಿಸಿದೆ.