ಮಾನ್ಯ ಮುಖ್ಯಮಂತ್ರಿಗಳ ಪದಕ ಪುರಸ್ಕೃತ ಹೊನ್ನಾಳಿ ತಾಲೂಕಿನ ವೃತ್ತದ ಆರಕ್ಷಕ ನಿರೀಕ್ಷಕರಾದ ಶ್ರೀ ಟಿ.ವಿ ದೇವರಾಜ್ ಅವರಿಗೆ ಅಭಿನಂದನಾ ಸಮಾರಂಭ

ದಾವಣಗೆರೆ ಜಿಲ್ಲೆ ಹೊನ್ನಾಳಿ ತಾಲೂಕು ದಿನಾಂಕ ನ.23 .ಕರ್ನಾಟಕ ರಾಜ್ಯ ಸರ್ಕಾರಿ ನೌಕರರ ತಾಲೂಕು ಘಟಕ ಹೊನ್ನಾಳಿ , ತಾಲೂಕು ಆಡಳಿತ ಮಂಡಳಿ ಮತ್ತು ಆರಕ್ಷಕ ಇಲಾಖೆ ಸಯೋಗದಲ್ಲಿ ಮಾನ್ಯ ಮುಖ್ಯಮಂತ್ರಿಗಳ ಪದಕ ಪುರಸ್ಕೃತ ಹೊನ್ನಾಳಿ ತಾಲೂಕಿನ ವೃತ್ತದ ಆರಕ್ಷಕ ನಿರೀಕ್ಷಕರಾದ ಶ್ರೀ ಟಿ.ವಿ ದೇವರಾಜ್ ಅವರಿಗೆ ಅಭಿನಂದನಾ ಸಮಾರಂಭ ಟಿ.ವಿ ತಿಪ್ಪೇಸ್ವಾಮಿ ಮತ್ತು ಹನುಮಂತಪ್ಪ ಶಿರಹಳ್ಳಿ ಅವರಿಗೆ ಬೀಳ್ಕೊಡುಗೆ ಸಮಾರಂಭ, ನೂತನವಾಗಿ ಪಿಎಸ್ಐ ಯಾಗಿ ಅಧಿಕಾರವನ್ನು ಸ್ವೀಕರಿಸಿರುವ ಬಸವರಾಜ್ ಬೀರದಾರ್ ಮತ್ತು ನ್ಯಾಮತಿ ಪಿಎಸ್ಐ ರಮೇಶ್ ಪಿ.ಎಸ್ ರವರಿಗೆ ಸ್ವಾಗತ ಸಮಾರಂಭವನ್ನು ಪೊಲೀಸ್ ಠಾಣೆ ಆವರಣದಲ್ಲಿ ನಡೆಯಿತು. ಸನ್ಮಾನವನ್ನು ಸ್ವೀಕರಿಸಿ ಮಾತನಾಡಿದ ಟಿವಿ ದೇವರಾಜ್ ರವರು ನಾನು ಸಣ್ಣ ಕೆಲಸ ಮಾಡಿದ್ದಕ್ಕೆ ಹೃದಯಸ್ಪರ್ಶಿ ಕಾರ್ಯಕ್ರಮವನ್ನು ಮಾಡಿದ್ದೀರಿ ನನಗೆ ಸಂತೋಷ ಮತ್ತು ಜವಾಬ್ದಾರಿ ಇನ್ನೂ ಹೆಚ್ಚಾಗಿದೆ. ನನಗೆ ಮುಖ್ಯಮಂತ್ರಿಗಳ ಪದಕ ಸ್ವೀಕರಿಸಿರುವುದು ನಮ್ಮ ಇಲಾಖೆಯ ಎಲ್ಲಾ ಅಧಿಕಾರಿ ವರ್ಗದ ಸಹಕಾರದಿಂದ ಬಂದಿದೆ, ವಿನಃ ನನ್ನೊಬ್ಬ ನಿಂದಲ್ಲ ನಾವು ಜನರ ಪ್ರೀತಿ ವಿಶ್ವಾಸ ಕಾನೂನು ಅಡಿಯಲ್ಲಿ ಕೆಲಸ ಮಾಡಿದಾಗ ಪ್ರತಿಯೊಬ್ಬ ಇಲಾಖೆಯ ನೌಕರರಿಗೂ ಇಂತಹ ಸಾಧನೆಯನ್ನು ಮಾಡಲಿಕ್ಕೆ ಸಾಧ್ಯ ಎಂದು ತಿಳಿಸಿದರು.
ಈ ಕಾರ್ಯಕ್ರಮದಲ್ಲಿ ಭಾಗಿಯಾದವರು ಎಂಪಿ ರೇಣುಕಾಚಾರ್ಯ ಶಾಸಕರು, ತಹಶೀಲ್ದಾರ್ ರವರಾದ ತುಷಾರ್ ಬಿ ಹೊಸೂರಾ, ಡಿವೈಎಸ್ಪಿ ಪ್ರಶಾಂತ್ ಮನವಳ್ಳಿ, ಸಿಡಿಒ ಸತೀಶ್, ಸಿಡಿಪಿಓ ಮಹಾಂತೇಶ್ ಪೂಜಾರ್, ಪಟ್ಟಣ ಪಂಚಾಯಿತಿಯ ಮುಖ್ಯಾಧಿಕಾರಿಗಳು ವೀರಭದ್ರಯ್ಯ ನವರು ,ಇಇಒ ಗಂಗಾಧರಮೂರ್ತಿ, ಸರ್ಕಲ್ ಇನ್ಸ್ಪೆಕ್ಟರ್ ದೇವರಾಜ್, ಎಸ್ ಐ ಯಾದ ಬಸವರಾಜ್ ಬೀರದಾರ್, ರಮೇಶ್ ಪಿ ಸಿ, ಡಿ ಟಿ ನಾಗರಾಜ್ ನೌಕರರ ಸಂಘದ ಅಧ್ಯಕ್ಷರಾದ ಚಂದ್ರಶೇಖರ್, ಎಸ್.ಐ ತಿಪ್ಪೇಸ್ವಾಮಿ ಮತ್ತು ಹನುಮಂತಪ್ಪ ಶಿರಹಳ್ಳಿ ಇನ್ನೂ ಮುಂತಾದವರು ಸಹ ಭಾಗಿಯಾಗಿದ್ದರು.