ದಾವಣಗೆರೆ ಹೊನ್ನಾಳಿ ತಾಲೂಕು ದಿ 25 ಹೊನ್ನಾಳಿಯ ಪ್ರವಾಸಿ ಮಂದಿರದಲ್ಲಿ ಇಂದು ಪತ್ರಿಕಾಗೋಷ್ಠಿಯನ್ನು ಉದ್ದೇಶಿಸಿ ಹೊನ್ನಾಳಿ ಹಾಲಮತ ಸಮಾಜದ ಮುಖಂಡರುಗಳು ಮಾತನಾಡಿ ಜನವರಿ 7/01/2021ರಂದು ಶಿಕಾರಿಪುರದಲ್ಲಿ ನಡೆಯುವ ಕುರುಬ ಸಮಾಜಕ್ಕೆ ಎಸ್.ಟಿ ಮೀಸಲಾತಿ ಪಡೆಯುವ ಬಗ್ಗೆ ಸಮಾವೇಶ ನಡೆಯುವ ಹಿನ್ನಲೆಯಲ್ಲಿ ದಿನಾಂಕ 28/12/2020ರಂದು ಸೋಮವಾರ ಬೆಳಗ್ಗೆ 12 ಗಂಟೆಗೆ ಸರಿಯಾಗಿ ದೇವನಾಯ್ಕನಹಳ್ಳಿಯಲ್ಲಿ ಇರುವ ಗುರುಭವನದಲ್ಲಿ ಪೂರ್ವಭಾವಿ ಸಭೆಗೆ ಹೊಸದುರ್ಗ ಶಾಖಾ ಮಠದ ಗುರುಗಳಾದ ಶ್ರೀ ಈಶ್ವರಾನಂದ ಪುರಿ ಸ್ವಾಮಿಗಳು ಬರುತ್ತಿರುವ ಕಾರಣ ಹೊನ್ನಾಳಿ ಮತ್ತು ನ್ಯಾಮತಿ ತಾಲೂಕುಗಳ ಕುರುಬ ಸಮಾಜದ ಮುಖಂಡರುಗಳು ಮತ್ತು ಕಾರ್ಯಕರ್ತರುಗಳು ಈ ಕಾರ್ಯಕ್ರಮಕ್ಕೆ ಅತಿ ಹೆಚ್ಚಿನ ಸಂಖ್ಯೆಯಲ್ಲಿ ಸೇರಬೇಕಾಗಿದೆ ಎಂದರು.
ಈ ಸಭೆಯಲ್ಲಿ ಕಾಂಗ್ರೆಸ್ ಪಕ್ಷದ ಜಿಲ್ಲಾದ್ಯಕ್ಷರಾದ ಹೆಚ್.ಬಿ ಮಂಜಪ್ಪ, ಮಾಜಿ ಜಿಲ್ಲಾ ಪಂಚಾಯಿತಿ ಉಪಾಧ್ಯಕ್ಷರಾದ ಕೆ.ವಿ ಚನ್ನಪ್ಪ, ಕುಬೇರಪ್ಪ, ಬಿಸಾಟಿ ಸುರೇಶ್, ಎಂ ಸಿದ್ದಪ್ಪ, ಬಿ ಸಿದ್ದಪ್ಪ, ಕೆ.ವಿ ಶ್ರೀಧರ್, ಹೆಚ್ ನರಸಪ್ಪ, ಆರ್ ಕಡೂರಪ್ಪ
ಬೀರಪ್ಪ, ದಿಡಗೂರು ಪಾಲಾಕ್ಷಪ್ಪ, ಬಂಗಾರಿ ಇನ್ನೂ ಮುಂತಾದವರು ಸಹ ಭಾಗಿಯಾಗಿದ್ದರು.