ಹುಣಸಘಟ್ಟ : ಸಾಸ್ವೆಹಳ್ಳಿ ಹೋಬಳಿ ವ್ಯಾಪ್ತಿಯ ಕ್ಯಾಸಿನಕೆರೆ ಗ್ರಾಮದ ತಮಿಳು ಸಮುದಾಯವು ಆಚರಿಸಿದ ಮಾರಿಯಮ್ಮ ದೇವಿ ಜಾತ್ರಾ ಮಹೋತ್ಸವ ಹಾಗೂ ಕರಗ ಉತ್ಸವವು ಮಂಗಳವಾರ ಅದ್ದೂರಿಯಾಗಿ ನಡೆಯಿತು.
ಮಾರಿಯಮ್ಮ ಜಾತ್ರಾ ಮಹೋತ್ಸವ ಕಾರ್ಯಕ್ರಮವು ಸೋಮವಾರ ಆರಂಭಗೊಂಡು ಅಂದು ಸಂಜೆ ಮಾರಿಯಮ್ಮ ದೇವಿ ಶೀಲಾ ಮೂರ್ತಿಗೆ ಅಭಿಷೇಕ ವಿಶೇಷ ಹೂವಿನ ಅಲಂಕಾರ ಹಾಗೂ ದೇವಿಗೆ ಹರಿಶಿಣ ಕುಂಕುಮ ಉಡಿಯಕ್ಕಿ ನೀಡುವ ಶಾಸ್ತ್ರವು ನಡೆಯಿತು.
ಮಂಗಳವಾರ ಬೆಳಿಗ್ಗೆ ಶೃಂಗಾರಗೊಂಡ ಮಾರಿಯಮ್ಮ ದೇವಿ ಉತ್ಸವ ಮೂರ್ತಿಯನ್ನು ಗಂಗಾ ದೇವಿಯ ಪೂಜೆ ನೆರವೇರಿಸಿ ಕರಗ ಉತ್ಸವಕ್ಕೆ ಚಾಲನೆ ನೀಡಲಾಯಿತು. ಕರಗ ಉತ್ಸವ ಗ್ರಾಮದ ರಾಜಬೀದಿಗಳಲ್ಲಿ ತಮಿಳು ಸಾಂಪ್ರದಾಯಿಕ ಜಾನಪದ ನೃತ್ಯದ ಕುಳಿತ, ಪಟಾಕಿ ಸಿಡಿಮದ್ದುಗಳ ಸಿಡಿಸಿ ಸಂಭ್ರಮದಿಂದ ಮೆರವಣಿಗೆ ಮಾಡಲಾಯಿತು.
ಬುಧವಾರ ಮಾರಿಯಮ್ಮ ದೇವಿ ಸನ್ನಿಧಾನದಲ್ಲಿ ತಮಿಳು ಸಾಂಪ್ರದಾಯಿಕ ಸಂಭ್ರಮದ ಹೋಳಿ ಆಚರಣೆ ಯೂ ನಡೆಯಲಿದೆ ಎಂದು ಮಾರಿಯಮ್ಮ ದೇವಿ ಸಮಿತಿ ಅಧ್ಯಕ್ಷ ಪರಶುರಾಮ್ ಗೊಂಡರ್ ತಿಳಿಸಿದರು ಉಪಾಧ್ಯಕ್ಷ ಜಯರಾಮ್ ಗೊಂಡರ್ ಉತ್ಸವ ಸಮಿತಿಯ ಮಂಜುನಾಥ್ ಗೊಂಡರ್ ರಮೇಶ್ ಸತೀಶ ಚಿನ್ನತಂಬಿ ಹಾಗೂ ತಮಿಳು ಸಮುದಾಯದ ಮುಖಂಡರುಗಳು ಕರಗ ಮಹೋತ್ಸವದಲ್ಲಿ ಪಾಲ್ಗೊಂಡಿದ್ದರು.
ಕ್ಯಾಸಿನಕೆರೆ ಗ್ರಾಮದ ಮಾರಿಯಮ್ಮ ದೇವಿ ಜಾತ್ರಾ ಮಹೋತ್ಸವದ ಅಂಗವಾಗಿ ಮಂಗಳವಾರ ದೇವಿಯ ಕರಗ ಮಹೋತ್ಸವದ ಮೆರವಣಿಗೆ ಅದ್ದೂರಿಯಾಗಿ ನಡೆಯಿತು.
