ಹೊನ್ನಾಳಿ:
ಮನೆಯ ತಾರಸಿ ಮೇಲೆ 52 ಗಾಂಜಾ ಗಿಡಗಳನ್ನು ಬೆಳೆದಿದ್ದ ಆರೋಪಿಯನ್ನು ಹೊನ್ನಾಳಿ ಅಬಕಾರಿ ಅಧಿಕಾರಿಗಳು ಸೋಮವಾರ ರಾತ್ರಿ 9ರ ಸುಮಾರಿಗೆ ಬಂಧಿಸಿದ್ದಾರೆ. ತಾಲೂಕಿನ ಕತ್ತಿಗೆ ಗ್ರಾಮದ ರಮೇಶ ಬಂಧಿತ ಆರೋಪಿ.
ಅಬಕಾರಿ ಉಪ ಅಧೀಕ್ಷಕ ಎಸ್.ಆರ್. ಮುರುಡೇಶ್ ನೇತೃತ್ವದಲ್ಲಿ ಸೋಮವಾರ ರಾತ್ರಿ ದಾಳಿ ನಡೆಸಿದ ವೇಳೆ ಮನೆಯ ತಾರಸಿ ಮೇಲೆ ಪಾಟ್‍ಗಳಲ್ಲಿ 52 ಗಾಂಜಾ ಗಿಡಗಳನ್ನು ಬೆಳೆಸಿರುವುದು ಪತ್ತೆಯಾಗಿದೆ.
52 ಗಾಂಜಾ ಗಿಡಗಳನ್ನು ವಶಪಡಿಸಿಕೊಂಡು ಆರೋಪಿ ರಮೇಶನನ್ನು ದಸ್ತಗಿರಿ ಮಾಡಿ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿದೆ.
ಅಬಕಾರಿ ಇಲಾಖೆಯ ಸಿಬ್ಬಂದಿ ಅಶೋಕ್ ನಾವಿ, ಗಿರೀಶ್, ಮಂಜು, ರಮೇಶ್, ಖಂಡೋಜಿ ಇತರರು ದಾಳಿಯಲ್ಲಿ ಭಾಗವಹಿಸಿದ್ದರು.