ಬಿರುಕುಬಿಟ್ಟ ಸೇತುವೆ-ರಸ್ತೆ, ಸಂಪರ್ಕ ಕಡಿತ:
ತಾಲೂಕಿನ ರಾಜ್ಯ ಹೆದ್ದಾರಿಗಳಾಗಿರುವ ಬಳ್ಳೇಶ್ವರ-ಹನುಮಸಾಗರ ಗ್ರಾಮಗಳ ಸಮೀಪದ ಅವಲಕ್ಕಿ ಮಿಲ್ ಬಳಿಯ ಮಾರಿಹಳ್ಳ ಉಕ್ಕಿ ಹರಿದಿದ್ದು, ನೀರಿನ ಹರಿವಿನ ರಭಸಕ್ಕೆ ಹೊನ್ನಾಳಿ-ತುಮ್ಮಿನಕಟ್ಟೆ-ರಾಣೇಬೆನ್ನೂರು ಸಂಪರ್ಕ ಕಲ್ಪಿಸುವ ರಾಜ್ಯ ಹೆದ್ದಾರಿ ಕೊಚ್ಚಿಹೋಗಿದೆ. ಇದೇ ರೀತಿ ತಾಲೂಕಿನ ವಿವಿಧ ಗ್ರಾಮಗಳ ಸಂಪರ್ಕ ಸೇತುವೆಗಳೂ ನೀರಿನಿಂದ ಹಾನಿಗೀಡಾಗಿವೆ. ತಾಲೂಕಿನ ವಿವಿಧ ಗ್ರಾಮಗಳಲ್ಲಿ ವಿದ್ಯುತ್ ಕಂಬಗಳು ನೆಲಕಚ್ಚಿದ್ದು, ಸರಿಪಡಿಸುವಲ್ಲಿ ಬೆಸ್ಕಾಂ ಸಿಬ್ಬಂದಿ ಸಮರೋಪಾದಿಯಲ್ಲಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ.
