ಹುಣಸಘಟ್ಟ : ಹೊನ್ನಾಳಿ ತಾಲೂಕು ಸಾಸ್ವೆಹಳ್ಳಿ ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರ ಸಂಘಕ್ಕೆ ಗುರುವಾರ ನಡೆದ ಅಧ್ಯಕ್ಷರು ಹಾಗೂ ಉಪಾಧ್ಯಕ್ಷರ ಸ್ಥಾನಕ್ಕೆ ನಡೆದ ಚುನಾವಣೆಯಲ್ಲಿ ನೂತನ ಅಧ್ಯಕ್ಷರಾಗಿ ಕೆ ಎಸ್ ಪರಮೇಶ್ವರಪ್ಪ ಉಪಾಧ್ಯಕ್ಷರಾಗಿ ಎಸ್‌ಟಿ ಶಿವಮೂರ್ತಿಪ್ಪನವರು ಆಯ್ಕೆಗೊಂಡರು.
ಫೆಬ್ರವರಿ 4 ರ ಭಾನುವಾರದಂದು ಸಂಘದ ಮುಂದಿನ ಐದು ವರ್ಷಗಳ ಅವಧಿಯ ಆಡಳಿತ ಮಂಡಳಿಗೆ ಚುನಾವಣೆ ನಡೆದು 12 ನಿರ್ದೇಶಕರು ಆಯ್ಕೆಗೊಂಡಿದ್ದರು. ಗುರುವಾರ ಅಧ್ಯಕ್ಷರು ಹಾಗೂ ಉಪಾಧ್ಯಕ್ಷರ ಚುನಾವಣೆ ಏರ್ಪಟ್ಟು, ಅಧ್ಯಕ್ಷ ಸ್ಥಾನಕ್ಕೆ ಸಿದ್ದಪ್ಪ ಎನ್ ಆರ್ ನಾಡಿಗೇರ ಹಾಗೂ ಕೆ ಎಸ್ ಪರಮೇಶ್ವರಪ್ಪ ನವರ ಎರಡು ನಾಮಪತ್ರಗಳು, ಉಪಾಧ್ಯಕ್ಷರ ಸ್ಥಾನಕ್ಕೆ ಡಿ ಮಂಜಪ್ಪ ಹಾಗೂ ಎಸ್ ಟಿ ಶಿವಮೂರ್ತಪ್ಪ ನವರ ತಲಾ ಎರಡೆರಡು ನಾಮಪತ್ರಗಳು ಸಲ್ಲಿಕೆಯಾದ ಹಿನ್ನೆಲೆಯಲ್ಲಿ 12 ನಿರ್ದೇಶಕರು ಹಾಗೂ ಸಹಕಾರ ಅಭಿವೃದ್ಧಿ ಅಧಿಕಾರಿ ವಿಜಯಕುಮಾರ್ ಒಟ್ಟು 13 ಸದಸ್ಯರು ಪರ್ಸಸರಿದ್ದು ಮತ ಚಲಾಯಿಸಿದರು. ಅಧ್ಯಕ್ಷರ ಸ್ಥಾನಕ್ಕೆ ನಡೆದ ಚುನಾವಣೆಯಲ್ಲಿ ಸಿದ್ದಪ್ಪ ಎನ್ ಆರ್ ನಾಡಿಗೆರ ನಾಲ್ಕು 5 ಮತ, ಕೆಎಸ್ ಪರಮೇಶ್ವರಪ್ಪನವರು 8 ಮತ ಪಡೆದು ನೂತನ ಅಧ್ಯಕ್ಷರಾದರು. ಉಪಾಧ್ಯಕ್ಷ ಸ್ಥಾನಕ್ಕೆ ನಡೆದ ಚುನಾವಣೆಯಲ್ಲಿ ಡಿ ಮಂಜಪ್ಪ ನವರು 5 ಮತ, ಎಸ್ ಟಿ ಶಿವಮೂರ್ತಿಯಪ್ಪ ನವರು ಎಂಟು ಮತ ಪಡೆದು ಉಪಾಧ್ಯಕ್ಷರಾಗಿ ಆಯ್ಕೆಗೊಂಡರು.
ಅಧ್ಯಕ್ಷ ಉಪಾಧ್ಯಕ್ಷರ ಚುನಾವಣೆಯಲ್ಲಿ ಚುನಾವಣಾಧಿಕಾರಿ ನವೀನ್ ಕುಮಾರ್ ಕೆಜಿ, ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಬಿ ಬಿ ಬಸವರಾಜಪ್ಪ, ನಿರ್ದೇಶಕರಾದ ಜಿ ರುದ್ರನಗೌಡ, ಟಿ ಎಮ್ ಹಾಲೇಶ್ ಕುಮಾರ್, ಬಿವಿ ಹಾಲೇಶಪ್ಪ, ನಾಗರಾಜಪ್ಪ ಈ ಎಚ್, ಎಸ್ ಹೆಚ್ ಬಸವರಾಜಪ್ಪ, ಡಿ ಮಂಜಪ್ಪ, ಸಿದ್ದಪ್ಪ ನಾಡಿಗೆರ, ಎಸ್ ಹೆಚ್ ಕೃಷ್ಣಮೂರ್ತಿ, ಯಶೋಧ ರತ್ತಮ್ಮ ಉಪಸ್ಥಿತರಿದ್ದು ನೂತನ ಅಧ್ಯಕ್ಷರು ಉಪಾಧ್ಯಕ್ಷರನ್ನು ಅಭಿನಂದಿಸಿದರು.