ಸಚ್ಚರಿತ ಹಾದಿಯಲಿ ಸಂಪನ್ನತೆಯ ಫಲವಿದೆ
ಸಜ್ಜನಿಕೆಯ ಹಾದಿಯಲಿ ಶೀಲವಂತ ರೀಗೆ ಬೆಲೆ ಇದೆ. ಸಖ್ಯದ ಹಾದಿಯಲಿ ಸ್ನೇಹದ ಲಯವಿದೆ
ಸಭ್ಯತೆಯ ಹಾದಿಯಲಿ ನ್ಯಾಯದ ಹೊನಲಿದೆ.
ಪಥ್ಯದ ಹಾದಿಯಲಿ ಹಿತದ ಆರೋಗ್ಯ ಇದೆ.
ಸಮ್ಮಿಲನದ ಹಾದಿಯಲಿ ಐಖ್ಯತೆಯ ಗೂಡಿದೆ
ಸಮ್ಮಿಳಿತದ ಹಾದಿಯಲಿ ಜಗದ ನಲಿವಿದೆ
ಕಂಪನದ ಹಾದಿಯಲಿ ಸಿದ್ಧಿಯು ಗೌಣವು
ಕಂಗೆಡದ ಹಾದಿಯಲಿ ದೆಸೆಗೆಡೆದು ಮನವು
ಮುಳ್ಳು ಹಾದಿಯಲಿ ಬಂಗಾರವು ಇಹುದು
ಮುನಿಸಿನ ಹಾದಿಯಲಿ ಬವಣೆಯು ತೀರದು
ಅಕ್ಕರೆಯ ಹಾದಿಯಲಿ ಆನಂದದ ಮನೆಯಿದೆ
ಅಪ್ಪಳಿಕೆಯ ಹಾದಿಯಲಿ ಸಂಘರ್ಷದ ಮತವಿದೆ
ಪಾಪದ ಹಾದಿಯಲಿ ಅಧರ್ಮದ ಗುಹೆಯಿದೆ
ಪಾವನ ಹಾದಿಯಲಿ ಶುದ್ಧತೆಯ ಗುಡಿಯಿದೆ
ಪ್ರೀತಿ ಯ ಹೃದಯದಲ್ಲಿ ತಾಯಿಯ ನೆಲೆ ಇದೆ. ಬೆಲೆಕಟ್ಟ ಲಾಗದ ಪ್ರೀತಿ ಅಲ್ಲೇ ಅಡಗಿದೆ.
ಜಿ ಕೆ ಹೆಬ್ಬಾರ್ ಶಿಕಾರಿಪುರ