ಹೊನ್ನಾಳಿ: ತಾಲೂಕು ಬೀರಗೊಂಡನಹಳ್ಳಿ ಗ್ರಾಮ ಪಂಚಾಯಿತಿಯ ತೆರವಾದ ಅಧ್ಯಕ್ಷ ಸ್ಥಾನಕ್ಕೆ ಮಂಗಳವಾರ ನಡೆಸಿದ ಚುನಾವಣೆಯಲ್ಲಿ ನೂತನ ಅಧ್ಯಕ್ಷರಾಗಿ ಶ್ರೀಮತಿ ಶೋಭಾ ಗಾಳಿ ಹಾಲಪ್ಪ ಅವಿರೋಧವಾಗಿ ಆಯ್ಕೆಗೊಂಡರು.
ಈ ಹಿಂದೆ ಹೆಚ್ ಕವಿತಾ ಮಂಜಪ್ಪ ಅಧ್ಯಕ್ಷರಾಗಿ ಕರ್ತವ್ಯ ನಿರ್ವಹಿಸಿ ತೆರವುಗೊಂಡ ಅಧ್ಯಕ್ಷ ಸ್ಥಾನಕ್ಕೆ ಶ್ರೀಮತಿ ಶೋಭಾ ಗಾಳಿ ಹಾಲಪ್ಪ ನವರ ಒಂದು ನಾಮಪತ್ರ ಹೊರತುಪಡಿಸಿ ಬೇರಾವ ನಾಮಪತ್ರಗಳು ಸಲ್ಲಿಕೆಯಾಗದ ಹಿನ್ನೆಲೆಯಲ್ಲಿ ಚುನಾವಣಾ ಅಧಿಕಾರಿಯಾಗಿ ಕರ್ತವ್ಯ ನಿರ್ವಹಿಸಿದ ತಾಲೂಕು ಶಿಶು ಅಭಿವೃದ್ಧಿ ಅಧಿಕಾರಿ ಮಹಾಂತೇಶ ಆರ್ ಪೂಜಾರ್ ಅಧ್ಯಕ್ಷರ ಆಯ್ಕೆ ಪ್ರಕ್ರಿಯೆಯನ್ನು ಅವಿರೋಧವಾಗಿ ಘೋಷಿಸಿದರು.
ಕಾಂಗ್ರೆಸ್ ಪಕ್ಷದ ಮುಖಂಡರಾದ ಡಿಎಸ್ ಪ್ರದೀಪ್ ಗೌಡ್ರುರವರು ಬೀರಗೊಂಡನಹಳ್ಳಿ ಗ್ರಾಮ ಪಂಚಾಯಿತಿ ನೂತನ ಅಧ್ಯಕ್ಷರಾದ ಶೋಭಾ ಹಾಲಪ್ಪ ರವರಿಗೆ ಅಭಿನಂದಿಸಿ ಶುಭಾಶಯ ಕೋರಿ ನಂತರ ಮಾತನಾಡಿದ ಅವರು ತಮ್ಮ ಅಧ್ಯಕ್ಷರ ಅವಧಿಯಲ್ಲಿ ಶಾಸಕ ಡಿ ಜಿ ಶಾಂತನಗೌಡ್ರುರವರ ಮತ್ತು ಗ್ರಾ ಪಂ ಸರ್ವ ಸದಸ್ಯರುಗಳ ಸಲಹೆ ಸಹಕಾರ ಪಡೆದು ಗ್ರಾಮ ಪಂಚಾಯಿತಿ ಅಭಿವೃದ್ಧಿಪಥದತ್ತ ತೆಗೆದುಕೊಂಡು ಹೋಗಿ ಎಂದು ಸಲಹೆ ನೀಡಿದರು.
ಅಧ್ಯಕ್ಷರ ಆಯ್ಕೆ ಸಂದರ್ಭದಲ್ಲಿ ಪಿ ಡಿ ಓ ರವಿಕುಮಾರ್ , ಎ ಎಸ್ ಐ ಪರಶುರಾಮಪ್ಪ, ಗ್ರಾ ಪಂ ಉಪಾಧ್ಯಕ್ಷ ಲೋಹಿತ, ಸದಸ್ಯರಾದ ಹೆಚ್ ಕೆ ಹಾಲಪ್ಪ, ಬಿ ವೈ ರಾಜು, ಎಸ್ ಮಹೇಂದ್ರ, ಹೆಚ್ ಕವಿತಾ, ಪಾರ್ವತಮ್ಮ, ಎಂ ಜಿ ಶ್ವೇತಾ, ಹೆಚ್ ಎಸ್ ಕವಿತಾ ಉಪಸ್ಥಿತರಿದ್ದು ನೂತನ ಅಧ್ಯಕ್ಷರನ್ನು ಅಭಿನಂದಿಸಿದರು.