ದಂತ ಭಾಗ್ಯ ಯೋಜನೆಯಡಿ ಕೃತಕ ದಂತ ಪಂಕ್ತಿ ವಿತರಣೆ

ದಂತ ಭಾಗ್ಯ ಯೋಜನೆಯಡಿ ಅರ್ಹ ಫಲಾನುಭವಿಗಳಿಗೆ
ಕೃತಕ ದಂತಪಂಕ್ತಿ ವಿತರಣೆ ಕಾರ್ಯಕ್ರಮ ಚಿಗಟೇರಿ ಜಿಲ್ಲಾ
ಆಸ್ಪತ್ರೆಯ ದಂತ ವೈದ್ಯಕೀಯ ವಿಭಾಗದಲ್ಲಿ ಸೋಮವಾರ
ಏರ್ಪಡಿಸಲಾಗಿತ್ತು.
ಕಾರ್ಯಕ್ರಮ ಉದ್ಘಾಟಿಸಿದ ಜಿಲ್ಲಾಧಿಕಾರಿ ಮಹಾಂತೇಶ್ ಬೀಳಗಿ
ಅವರು ಇದೇ ಸಂದರ್ಭದಲ್ಲಿ 12 ಜನ ಫಲಾನುಭವಿಗಳಿಗೆ ದಂತ
ಪಂಕ್ತಿಗಳನ್ನು ವಿತರಿಸಿದರು.
ದಂತ ವೈದ್ಯಕೀಯ ವಿಭಾಗದ ಮುಖ್ಯಸ್ಥ ಡಾ.ತಿಪ್ಪೇಸ್ವಾಮಿ ಪಿ.ಎಂ
ರವರು ಮಾತನಾಡಿ, ದಂತ ಭಾಗ್ಯ ಯೋಜನೆಯನ್ನು ರಾಜ್ಯ
ಸರ್ಕಾರ 2015-16 ರಲ್ಲಿ ಜಾರಿಗೊಳಿಸಿದ್ದು, ಯೋಜನೆ ಜಾರಿಯಾದಾಗಿನಿಂದÀ
ಈವರೆಗೆ ಒಟ್ಟು 605 ಫಲಾನುಭವಿಗಳಿಗೆ ಸಂಪೂರ್ಣ ಕೃತಕ ದಂತ
ಪಂಕ್ತಿಗಳನ್ನು ಮತ್ತು 124 ಅರೆ ಕೃತಕ ದಂತ
ಪಂಕ್ತಿಗಳನ್ನು ವಿತರಿಸಲಾಗಿದೆ, ಈ ಮೂಲಕ ಯೋಜನೆಯನ್ನು
ಯಶಸ್ವಿಯಾಗಿ ಜಾರಿಗೆ ತಂದ 5 ಜಿಲ್ಲೆಗಳಲ್ಲಿ ನಮ್ಮ ದಾವಣಗೆರೆ ಜಿಲ್ಲೆ
ಪ್ರಥಮ ಸ್ಥಾನ ಪಡೆದಿದೆ ಎಂದು ಹೇಳಿದರು.
ಜಿಲ್ಲಾಧಿಕಾರಿಗಳು ದಂತ ವೈದ್ಯಕೀಯ ವಿಭಾಗವನ್ನು
ಸಮಗ್ರವಾಗಿ ಪರಿಶೀಲಿಸಿ, ಉತ್ತಮ ಕಾರ್ಯ ಮಾಡುತ್ತಿರುವ
ವೈದ್ಯರು ಮತ್ತು ಸಿಬ್ಬಂದಿಗಳನ್ನು ಅಭಿನಂದಿಸಿ, ಮುಂದಿನ
ದಿನಗಳಲ್ಲಿಯೂ ಇದೇ ರೀತಿ ಯಶ್ವಸಿಯಾಗಿ ಕಾರ್ಯ ನಿರ್ವಹಿಸುವಂತೆ
ಸೂಚಿಸಿದರು.
ಕಾರ್ಯಕ್ರಮದಲ್ಲಿ ಜಿಲ್ಲಾ ಆಸತ್ರೆಯ ಅಧೀಕ್ಷಕ
ಡಾ.ಎಸ್.ಷಣ್ಮುಖಪ್ಪ ಹಾಗೂ ನಿವಾಸಿ ವೈದ್ಯಾಧಿಕಾರಿ ಡಾ.ಮಂಜುನಾಥ್ ಎಲ್ ಪಾಟೀಲ್,
ಡಿಹೆಚ್‍ಓ ಡಾ.ನಾಗರಾಜ್ ಹಾಗೂ ಇತರರು ಉಪಸ್ಥಿತರಿದ್ದರು.