ಪಿಎನ್‍ಡಿಟಿ ಜಿಲ್ಲಾ ಸಲಹಾ ಸಮಿತಿ ಸಭೆ

ಶಿಶು ಜನನ, ಮರಣ ನಿಖರ ಅಂಕಿ-ಅಂಶಗಳಿಗಾಗಿ ವಿಶೇಷ

ಆ್ಯಪ್ ಅಭಿವೃದ್ಧಿಪಡಿಸಲು ಸಲಹೆ

ಜಿಲ್ಲೆಯಲ್ಲಿ ಮಕ್ಕಳ ಲಿಂಗಾನುಪಾತ 2011 ರ ಜನಗಣತಿಯಲ್ಲಿ
ಒಂದು ಸಾವಿರ ಗಂಡುಮಕ್ಕಳಿಗೆ 948 ಹೆಣ್ಣು ಮಕ್ಕಳ ಅನುಪಾತ
ದಾಖಲಾಗಿದೆ. 2021 ರ ಜನಗಣತಿಗೆ ಸಿದ್ಧತೆಗಳೂ ಆಗುತ್ತಿವೆ, ಈ ಹಿಂದಿನ
ಅಂಕಿ-ಅಂಶಗಳ ನಿಖರತೆಯ ಬಗ್ಗೆ ಸಂಶಯವಿದ್ದು, ಜಿಲ್ಲೆಯಲ್ಲಿ ಎಲ್ಲ
ಗರ್ಭಿಣಿಯರ ನೊಂದಣಿ ಕಡ್ಡಾಯವಾಗಿ ಆಗಬೇಕು, ಜಿಲ್ಲೆಯ ಶಿಶು
ಜನನ ಮತ್ತು ಮರಣಗಳ ಅಂಕಿ-ಅಂಶಗಳ ದಾಖಲಿಗೆÉ ವಿಶೇಷ ಆ್ಯಪ್
ಅಭಿವೃದ್ಧಿಪಡಿಸಿದಲ್ಲಿ, ಜಿಲ್ಲೆಯಲ್ಲಿನ ಶಿಶುಗಳ ಜನನ, ಮರಣ ಮತ್ತು
ಲಿಂಗಾನುಪಾತದ ನಿಖರ ಅಂಕಿ-ಅಂಶಗಳನ್ನು ಪಡೆಯಲು
ಸಾಧ್ಯವಾಗಲಿದೆ. ಈ ರೀತಿ ಆದಲ್ಲಿ, ಇಡೀ ರಾಜ್ಯಕ್ಕೆ ನಮ್ಮ ಜಿಲ್ಲೆ
ಮಾದರಿಯಾಗಲಿದೆ ಎಂದು ಪಿಸಿ &ಚಿmಠಿ; ಪಿಎನ್‍ಡಿಟಿ ಜಿಲ್ಲಾ ಸಲಹಾ ಸಮಿತಿಯ ಅಧ್ಯಕ್ಷ ಡಾ.
ಎನ್.ಕೆ. ಕಾಳಪ್ಪನವರ್ ಸಲಹೆ ನೀಡಿದರು.
ಉಪವಿಭಾಗಾಧಿಕಾರಿಗಳ ಕಚೇರಿಯಲ್ಲಿ ಏರ್ಪಡಿಸಲಾಗಿದ್ದ ಜಿಲ್ಲಾ ಪಿಸಿ &ಚಿmಠಿ; ಪಿಎನ್‍ಡಿಟಿ
ಸಲಹಾ ಸಮಿತಿ ಸಭೆಯ ಅಧ್ಯಕ್ಷತೆ ವಹಿಸಿ ಅವರು ಮಾತನಾಡಿ, ಜಿಲ್ಲೆಯಲ್ಲಿ
ಮಕ್ಕಳ ಲಿಂಗಾನುಪಾತ 2001 ರ ಜನಗಣತಿಯಲ್ಲಿ 1000 ಗಂಡು
ಮಕ್ಕಳಿಗೆ 946 ಹೆಣ್ಣು, 2011 ರ ಜನಗಣತಿಯಲ್ಲಿ 948 ಹೆಣ್ಣು ಮಕ್ಕಳ
ಅನುಪಾತ ದಾಖಲಾಗಿದೆ. ಅಂದರೆ ಜಿಲ್ಲೆಯಲ್ಲಿ ಹೆಣ್ಣು ಮಕ್ಕಳ ಅನುಪಾತ
ಕಡಿಮೆ ಇದೆ ಎಂಬುದು ದಾಖಲಾಗಿದೆ. ಶಿಶುಗಳ ಜನನ, ಮರಣದ ಬಗ್ಗೆ
ಆರ್‍ಸಿಹೆಚ್ ಪೋರ್ಟಲ್‍ನಲ್ಲಿ ಕೇವಲ ಬಿಪಿಎಲ್ ಕುಟುಂಬಗಳ ಶಿಶು ಜನನದ ಬಗ್ಗೆ
ಮಾತ್ರ ದಾಖಲಾಗುತ್ತಿದ್ದು, ಇತರೆ ಕುಟುಂಬದ ಜನನಗಳ ಬಗ್ಗೆ
ದಾಖಲಾಗುತ್ತಿಲ್ಲ, ಅಲ್ಲದೆ ಕೆಡಿಪಿ ವರದಿಯಲ್ಲಿ ಶಿಶುಗಳ ಜನನದ ಬಗ್ಗೆ
ಆಯಾ ತಾಲ್ಲೂಕುವಾರು ಮಾಹಿತಿ ಸಲ್ಲಿಕೆಯಾಗುತ್ತವೆ, ಆದರೆ ಇದರಲ್ಲಿ
ಶಿಶುವಿನ ಲಿಂಗತ್ವದ ಬಗ್ಗೆ ಮಾಹಿತಿ ದಾಖಲಾಗುವುದಿಲ್ಲ. ಹೀಗಾಗಿ ಜನಗಣತಿಗೆ
ಸಲ್ಲಿಕೆಯಾಗುವ ವರದಿಯಲ್ಲಿ ನ್ಯೂನತೆ ಇರುವ ಸಾಧ್ಯತೆಗಳಿದ್ದು,
ಜಿಲ್ಲೆಯಲ್ಲಿ ಶಿಶುಗಳ ಜನನ ಮತ್ತು ಮರಣ, ಲಿಂಗತ್ವದ ಬಗ್ಗೆ ನಿಖರ
ಅಂಕಿ-ಅಂಶ ಸಂಗ್ರಹಣೆಗೆ ಸೂಕ್ತ ವ್ಯವಸ್ಥೆ ಇದ್ದಂತೆ
ಕಂಡುಬರುತ್ತಿಲ್ಲ ಎಂದರು. ಕಳೆದ ಬಾರಿ ಜರುಗಿದ ಜಿಲ್ಲಾ ಮಟ್ಟದ
ಸಭೆಯಲ್ಲಿ ಸಮಿತಿಯ ಸದಸ್ಯ ಹಾಗೂ ಸಾಮಾಜಿಕ ಕಾರ್ಯಕರ್ತ ಎಂ.ಜೆ.
ಶ್ರೀಕಾಂತ್ ಅವರು, ಜಿಲ್ಲೆಯ ಹಲವಾರು ಖಾಸಗಿ ನರ್ಸಿಂಗ್‍ಹೋಂ ಗಳಲ್ಲಿ
ಆಗುವ ಶಿಶು ಜನನ ಅಥವಾ ಮರಣದ ಬಗ್ಗೆ ದಾಖಲು ಸರಿಯಾಗಿ ಆಗುತ್ತಿಲ್ಲ.

ಗರ್ಭಿಣಿಯರ ನೊಂದಣಿ ವಿಷಯದಲ್ಲಿ ಬಿಪಿಎಲ್ ಕುಟುಂಬಗಳ
ನೊಂದಣಿ ಮಾತ್ರ ಆಗುತ್ತಿದ್ದು, ಎಪಿಎಲ್ ಕುಟುಂಬಗಳ ನೊಂದಣಿ
ಆಗುತ್ತಿಲ್ಲ. ಪ್ರತಿಯೊಬ್ಬ ತಾಯಂದಿರಿಗೂ ತಾಯಿಕಾರ್ಡ್
ನೀಡಲಾಗುತ್ತಿಲ್ಲ. ಹೀಗಾಗಿ ಶಿಶು ಜನನ, ಮರಣದ ಅಂಕಿ-ಅಂಶದಲ್ಲಿ
ವ್ಯತ್ಯಾಸವಾಗುತ್ತಿದೆ. ಹೀಗಾಗಿ ಗರ್ಭಿಣಿಯರ ನೊಂದಣಿ ಸಂಖ್ಯೆ, ಶಿಶು
ಜನನ, ಗರ್ಭಪಾತದ ಅಂಕಿ-ಅಂಶಗಳು ಒಂದಕ್ಕೊಂದು
ತಾಳೆಯಾಗದಿರುವುದರಿಂದ ಲಿಂಗಾನುಪಾತದಲ್ಲಿ ಅಸಮತೋಲನ
ಕಂಡುಬರುತ್ತಿದೆ ಎಂದು ಪ್ರಸ್ತಾಪಿಸಿದ್ದರು, ಅದು ವಾಸ್ತವವೂ ಕೂಡ
ಆಗಿದೆ ಎಂದರು. ಇದಕ್ಕೆ ಪ್ರತಿಕ್ರಿಯಿಸಿದ ಡಿಹೆಚ್‍ಒ ಡಾ. ನಾಗರಾಜ್ ಅವರು,
ಸರ್ಕಾರಿ ಅಥವಾ ಖಾಸಗಿ ನರ್ಸಿಂಗ್ ಹೋಂಗಳಲ್ಲಿ ದಾಖಲಾಗುವ ಎಪಿಎಲ್
ಕುಟುಂಬಸ್ಥರಿಗೆ ತಾಯಿ ಕಾರ್ಡ್ ನೀಡುವುದು ಕಡ್ಡಾಯವಿಲ್ಲ, ಕಾರ್ಡ್
ಪಡೆಯಲೇಬೇಕು ಎಂದು ಒತ್ತಾಯಿಸುವಂತೆಯೂ ಇಲ್ಲ ಎಂದರು.
ಡಾ. ಕಾಳಪ್ಪನವರ್ ಮಾತನಾಡಿ, ಜಿಲ್ಲೆಯಲ್ಲಿ ಎಲ್ಲ ವರ್ಗದ
ಗರ್ಭಿಣಿಯರ ದಾಖಲಾತಿ ಕಡ್ಡಾಯವಾಗಿ ಆಗುವಂತಾಗಬೇಕು, ಬಳಿಕ
ಶಿಶು ಜನನ ಮತ್ತು ಮರಣದ ಬಗ್ಗೆ ಮಾಹಿತಿಯನ್ನು ಪ್ರತಿಯೊಂದು
ಸರ್ಕಾರಿ ಹಾಗೂ ಖಾಸಗಿ ಆರೋಗ್ಯ ಸಂಸ್ಥೆಗಳಲ್ಲಿ
ನಮೂದಿಸುವಂತಾಗಲು ವಿಶೇಷ ಆ್ಯಪ್ ತಯಾರಿಸಿ, ಬಳಕೆ ಮಾಡಿದಲ್ಲಿ, ನಿಖರ
ಅಂಕಿ-ಅಂಶ ಪಡೆಯಲು ಸಾಧ್ಯವಾಗಲಿದೆ. ಆ್ಯಪ್ ಅಭಿವೃದ್ಧಿಗೆ ಸರ್ಕಾರಿ
ವ್ಯವಸ್ಥೆಯಲ್ಲಿ ಹೆಚ್ಚೇನು ವೆಚ್ಚ ಆಗುವುದಿಲ್ಲ. ಇದನ್ನು ವಿಶೇಷ
ಪ್ರಕರಣವೆಂದು ಪರಿಗಣಿಸಿ, ಈ ಕ್ರಮ ಕೈಗೊಂಡಲ್ಲಿ, ಜಿಲ್ಲೆಯು ಇಡೀ
ರಾಜ್ಯಕ್ಕೆ ಮಾದರಿಯಾಗಲಿದೆ ಎಂದು ಸಲಹೆ ನೀಡಿದರು. ಸಮಿತಿಯ
ಸಕ್ಷಮ ಪ್ರಾಧಿಕಾರಿಯಾಗಿರುವ ಉಪವಿಭಾಗಾಧಿಕಾರಿ ಮಮತಾ
ಹೊಸಗೌಡರ್ ಅವರು ಪ್ರತಿಕ್ರಿಯಿಸಿ, ಸಲಹೆಯು ಸೂಕ್ತವಾಗಿದ್ದು,
ಜಿಲ್ಲಾಧಿಕಾರಿಗಳ ಗಮನಕ್ಕೆ ತಂದು, ಆ್ಯಪ್ ಅಭಿವೃದ್ಧಿಗೆ ಪ್ರಾಮಾಣಿಕ
ಯತ್ನ ಮಾಡಲಾಗುವುದು ಎಂದರು.
ಸಮಿತಿಯಿಂದ ಸ್ಥಳ ಪರಿಶೀಲನೆಗೆ ನಿರ್ಧಾರ : ಜಿಲ್ಲೆಯಲ್ಲಿ ಕೆಲವು ನರ್ಸಿಂಗ್
ಹೋಂ ಮಾಲೀಕರು ಅಲ್ಟ್ರಾಸೌಂಡ್ ಸ್ಕ್ಯಾನಿಂಗ್ ಉಪಕರಣಗಳನ್ನು
ಅಳವಡಿಸಲು ಹಾಗೂ ಉಪಯೋಗಿಸಲು ನಿಯಮಾನುಸಾರ ನೊಂದಣಿ
ಮಾಡದೆ, ನಿಯಮಾನುಸಾರ ಮಾರಾಟ ಅಥವಾ ಸ್ಥಳಾಂತರದ ಮಾಹಿತಿ
ನೀಡದೆ, ಯಂತ್ರ ಬಳಸುತ್ತಿರುವ ಬಗ್ಗೆ ಸಮಿತಿ ಸಭೆಯಲ್ಲಿ
ಚರ್ಚಿಸಲಾಯಿತು. ಅನುಮತಿ ಕೋರಿ ಸಲ್ಲಿಕೆಯಾಗುವ ಅರ್ಜಿಗಳಿಗೆ
ದಿನಾಂಕ ಹಾಗೂ ಸ್ಥಳವನ್ನೂ ನಮೂದಿಸದೆ, ಅರ್ಜಿ ಸಲ್ಲಿಕೆಯಾಗಿರುವ
ಬಗ್ಗೆ ಸಮಿತಿಯಿಂದ ಆಕ್ಷೇಪಣೆ ವ್ಯಕ್ತವಾಯಿತು. ಇದಕ್ಕೆ ಪ್ರತಿಕ್ರಿಯಿಸಿದ
ಉಪವಿಭಾಗಾಧಿಕಾರಿಗಳು, ಅರ್ಜಿ ಸ್ವೀಕರಿಸುವ ಸಂದರ್ಭದಲ್ಲಿ ಸಂಬಂಧಪಟ್ಟ
ಸಿಬ್ಬಂದಿ ಸಮರ್ಪಕವಾಗಿ ಪರಿಶೀಲಿಸಿದ ಬಳಿಕವೇ ಸ್ವೀಕರಿಸಬೇಕು ಎಂದು
ತಾಕೀತು ಮಾಡಿದರು. ಸಮಿತಿ ಸದಸ್ಯ ಶ್ರೀಕಾಂತ್ ಮಾತನಾಡಿ, ಅಲ್ಟ್ರಾಸೌಂಡ್
ಸ್ಕ್ಯಾನಿಂಗ್ ಯಂತ್ರಗಳ ಅಳವಡಿಕೆಗಾಗಿ ಅನುಮತಿ ಪಡೆಯಲು
ಅಥವಾ ಸ್ಥಳಾಂತರಿಸಲು ಅಥವಾ ಮಾರಾಟ ಮಾಡಲು ಅರ್ಜಿ ಸಲ್ಲಿಸುವ ನರ್ಸಿಂಗ್
ಹೋಂಗಳು ಪಿಸಿ &ಚಿmಠಿ; ಪಿಎನ್‍ಡಿಟಿ ಸಲಹಾ ಸಮಿತಿಯಿಂದ ನಿಯಮಾನುಸಾರ
ಅನುಮತಿ ಪಡೆಯುವುದಕ್ಕೂ ಮೊದಲೆ ಬಳಕೆ ಮಾಡುತ್ತಿರುವ
ಸಾಧ್ಯತೆಗಳಿವೆ, ಈ ರೀತಿ ಮಾಡುವುದು ಕಾಯ್ದೆಯನ್ವಯ ಶಿಕ್ಷಾರ್ಹ
ಅಪರಾಧವಾಗುತ್ತದೆ. ಅನುಮತಿಗೂ ಮುನ್ನ ಅಂತಹ
ಯಂತ್ರಗಳ ಬಳಕೆಯಾಗಿಲ್ಲ ಎನ್ನುವ ಬಗ್ಗೆ ಸಂಬಂಧಪಟ್ಟ
ಕಂಪನಿಯಿಂದಲೇ ಅಧಿಕೃತ ದೃಢೀಕರಣ ಪಡೆದ ಬಳಿಕವೇ, ಅನುಮತಿ
ನೀಡಬೇಕು, ನಿಯಮ ಉಲ್ಲಂಘನೆ ಕಂಡುಬಂದಲ್ಲಿ, ಅಂತಹ
ಯಂತ್ರಗಳನ್ನು ಸಕ್ಷಮ ಪ್ರಾಧಿಕಾರದಿಂದ ಜಪ್ತಿ ಮಾಡಬೇಕು

ಎಂದು ಒತ್ತಾಯಿಸಿದರು. ಇದಕ್ಕೆ ಪ್ರತಿಕ್ರಿಯಿಸಿದ ಸಮಿತಿಯ ಸದಸ್ಯರು
ಹಾಗೂ ವಕೀಲರಾದ ರವಿಕುಮಾರ್ ಅವರು, ಕಾಯ್ದೆ ಉಲ್ಲಂಘನೆ
ಪ್ರಕರಣಗಳಿಗೆ ಸಂಬಂಧಿಸಿದಂತೆ ಕ್ರಮ ಕೈಗೊಳ್ಳುವ ಮೊದಲು
ನಿಯಮಾನುಸಾರ ಕಾನೂನು ಪ್ರಕ್ರಿಯೆಗಳನ್ನು ಸಮರ್ಪಕವಾಗಿ
ಕೈಗೊಂಡ ಬಳಿಕವೇ, ಜಪ್ತಿ ಮಾಡುವಂತಹ ಕಾರ್ಯಕ್ಕೆ
ಮುಂದಾಗುವುದು ಸೂಕ್ತ ಎಂದು ಅಭಿಪ್ರಾಯಪಟ್ಟರು. ಇದಕ್ಕೆ
ಉತ್ತರಿಸಿದ ಉಪವಿಭಾಗಾಧಿಕಾರಿಗಳು, ಅರ್ಜಿ ಸಲ್ಲಿಕೆಯಾಗಿರುವುದಕ್ಕೆ
ಸಂಬಂಧಿಸಿದ ಎಲ್ಲ ನರ್ಸಿಂಗ್ ಹೋಂಗಳಿಗೆ ಸಮಿತಿಯಿಂದ ಸ್ಥಳ ಪರಿಶೀಲನೆ
ನಡೆಸಿ, ವರದಿ ಸಲ್ಲಿಸಬೇಕು, ನಿಯಮ ಉಲ್ಲಂಘನೆಯಾಗಿರುವುದು
ಖಚಿತಪಟ್ಟಲ್ಲಿ, ಸೂಕ್ತ ಕ್ರಮ ಕೈಗೊಳ್ಳಬೇಕು ಎಂದು ಸೂಚನೆ
ನೀಡಿದರು. ಡಿಹೆಚ್‍ಒ ಡಾ. ನಾಗರಾಜ್ ಮಾತನಾಡಿ, ಶೀಘ್ರ ಸ್ಥಳ ಪರಿಶೀಲನೆಗೆ
ಕ್ರಮ ವಹಿಸಲಾಗುವುದು ಎಂದರು.
ಸಭೆಯಲ್ಲಿ ಉಪವಿಭಾಗಾಧಿಕಾರಿ ಮಮತಾ ಹೊಸಗೌಡರ್, ಡಿಹೆಚ್‍ಒ ಡಾ.
ನಾಗರಾಜ್, ಜಿಲ್ಲಾ ಕುಟುಂಬ ಕಲ್ಯಾಣಾಧಿಕಾರಿ ಡಾ. ಎ.ಎಂ. ರೇಣುಕಾರಾಧ್ಯ,
ಸಮಿತಿಯ ಸದಸ್ಯರಾದ ಡಾ. ಸುಮಿತ್ರ, ಎಂ.ಜೆ. ಶ್ರೀಕಾಂತ್, ರವಿಕುಮಾರ್
ಉಪಸ್ಥಿತರಿದ್ದರು.